بشير الرشيدي 

إعداد وإشراف : محسن الأشرف

أتمنى في هذه اللحظة ان امتلك كل مقومات الكتابه لكي لا أشعر بالعجز أمام فتح هذا القلب لكم ..!!
أعرف ان الكلمات تتقزم وانني غير قادر على كتابة مقدمه ولكنني لن ابخل في كتابة هذا الحب / لأن فهد قريب من القلب وأعلم أنني أعرف آراؤه في كثير من الأشياء والتي قد تصل الى الغرابة أحياناً.

شاعر علم ، كنز من كنوز المعرفة والأدب والثقافة ، زميلا للمهنة الصحفية ومشرفا على عددا من المطبوعات ولأدبية .

شاعر تغنى الجمهور بشعره وكان مطلب جماهيري في كل مكان وزمان .

شاعرنا لهذا الأسبوع الشاعر الكبير :فهد عافت

دخيلك

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
دخيلك لا تصلح غلطتك هذا الخطاء غالي = رفضت انك تجيبه من عرفتك لين هو جابك

ومادام ان الزعل مثل الرضى يبقيك في بالي = انا مازعل ولا ارضى منك انا ازعل عنك وارضابك

هلا بك يالخطأ ضيفاً عزيزاً يكرم دلالي = اذا صبيت له فنجان عفو ونوخ ركابك

من الليله بسمي غلطتك عنقودي الحالي = الى مني قطفته بالسماء انتثرت اطيابك

حبست العقل واطلقت العنان لمهرت هبالي = وقريت ان الخطاء عين الصواب بصفحه كتابك

وش القمرا سوى غلطت ظلام ولاني مغالي = وش الظلم سوى غلطت سما بتقلد اهدابك

يساورني يقين ان المطر غلطت هوا عالي = حسب نفسه يصالح غيمتين وبلل ثيابك

فديتك لا تعذر والذي سواك واهدالي = عيونك مالقيت الطف بهالدنيا من عتابك

جزاك الله خير وبيض الله وجه عذالي = متى ماجيت ابنسى سيرتك قالولي احبابك

وانا لاقالو احبابك عجزت اسمع وش التالي = خذيت الكلمه الي تشتهيك وضعت باسبابك
[/poem]
[B]فهد عافت[/B]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
فتنة الحفل زيدي مشيتك بخترة = كل خطوة بروق وكل لفحه صهيل

باقي بين عقلي والجنون شعرة = اقطعيها ياشين عاشق مو هبيل

خلي الارض تاخذ شكل غير الكرة = خلي النار تاخذ رمز غير الفتيل

من غدى الليل شعرك قلت انا بسهرة = ومن غدى الصبح وجهك قلت مالي مقيل

ارقصي .. ارقصي بين حد الذنب والمغفرة = ارحلي في سكونك واسكني في الرحيل

ارجفي كنك الماء فززته حجرة = واثبتي كنك الفضه بعين البخيل

وانحني مثل غصن في طرفه ثمرة = واوقفي مثل فزعات بدوي اصيل

والفحي علمينا كيف تقدر مرة = تزرع الليل صبح وتزرع الصبح ليل

في عيونك سواد يستحيل اخرة = كامنً في بياضاً اوله يستحيل

واحد تخزرين وما يجيك خبرة = اشهد انه عزيز واشهد انه ذليل

اترك العقد بين الجد والغشمرة = يخبر الناس وش معنى جميل في جميل

كن في الصدر ظبي عيوننا تذعرة = ينتفض يذعر الي مذعرينه قبيل

ومفرق الصدر حبة العرق تجهرة = كن لك عقد در وعقد من سلسبيل

بينهم حسد ربي بعد ما صورة = عقد وده يجف وعقد وده يسيل

اهـ ولا لمحتك مقبله مدبرة = شفت مثلي نحيل زم حمل ثقيل

دام ذا عجز وش للناس بالمقدرة = دام ذا خصر وش لي بالخواتم بديل

وسط ثوباً خيوطه صمت في ثرثرة = به قليلاً كثيراً وبه كثيراً قليل

كل شيء بجسمك يفضحه يستره = فيه فتنه قصير وفيه حشمت طويل

كنه المخطي الي يطلب المعذرة = وكنه دامح الزله عن الي يعيل

في ردونه نقوش له سنابل ذرة = الله اعلم لو ان الريح هبت تميل

كل شيء ونقيضه فيك بالمسطرة = اقرب من النفس وابعد من المستحيل

كنك الكذب لكن محدا ينكرة = وكنك الصدق ولكن مافي يدينا دليل

باشت الغيد زيدي مشيتك بخترة = لاجل اطاول بحرفي شامخات النخيل

شاعر تلمس ايدينك على دفترة = تغرق في اوسط اوزانه بحور الخليل[/poem]