أحب تسميته بالـ ( القائد ) ! فهو قائد لمسيرة الكثيرين من شعراء مجلته الشهيرة ” المختلف ” .. بنية صادقة وبقلب محب !
قابلت هذا _ الإنسان _ وأنا أحب تصنيف المخلوقات بحقيقتها فهو ( إنسان ) يشعر ويتجاوب ويفكر ويحب ويكره و يقدر ويصاب بخيبة أمل ويتحدى وينجح ويتعلم من أخطاءه . في زمن قلما نرى به من يتحدث حتى كإنسان قابلته وعملت معه في مجلة المختلف (.. ..
لم أتعرف به كصديق وقتها وإنما حصلت على نتيجة سريعة لشخصية هذا الإنسان العاطفية
وأمتعني مدى تشعب فكر هذا النايف .. قربه من الكثيرين وبعده عن الكثيرين في نفس الوقت ..
انفعاله بالنقاش مرافق لإبتسامة دائما ً .. وصمته في بعض الحوارات استراتيجية كما اتضح لي وانا اراقب انصاته الجيد للحوار .
لباقته بالحديث .. تجليه وتحفظه المدروس بطريقة عفوية ..
زاوية شاعر الأسبوع اختارته لهذا الأسبوع
نايف الرشيدي
لحظه قبل لا تطلب البعد وتغيب=وتنهي معايه مرحله من حياتك
أخذ الهدايا والصور والمكاتيب=دامي خسرتك ما أبي ذكرياتك
يمكن يكون فراقنا رأيٍ مصيب=خيره .. كتبها الله جتني وجاتك
مع اني ادري انت ماعنك تجنيب=كنك موصيني وقاضب وصاتك
رح واترك بقلبي لك أربع معازيب=معزتك طاريك حبك غلاتك
وإن شفتني أجمع شتاتي .. ماهو عيب=باكر مع الأيام تجمع شتاتك
وإن شفتني شايل جروحٍ معاطيب=باكر يصير الجرح أبرز صفاتك
أكبر مصيبه في زمان العذاريب=إنّي أحبك وأنت حبك لذاتك
الطيب لو إنك تجازيه بالطيب=ماكان تالي الوقت هذي سواتك
يا صاحبي لا صرت أغلا الأصاحيب=لا تزعل بكيفك وتطلب رضاتك
أنا حبيبك مبعد الشوح مانيب=من ضيّع جهاته .. يدور جهاتك
إن كان ماعديت روس المراقيب=ماني كفو أصلاً أنام في عباتك
شفني مقدر عند عكف الأشانيب=مانيب من تومي عليه بعصاتك
رح للفراق إللي تركنا مصاويب=شمّت اعداتي قبل تشمّت أعداتك
الله معك .. رح وين ماودك تغيب=هذي حياتك .. وأنت حر بحياتك[/poem]
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
البارحة كل الدفاتر مواني=يوم اصطفق موج الغلا والتفاكير
قلت استريح شوي ليله … عساني=من تاني ابحر لاارجهن المعاذير
يوم الغلا ورد وقصايد واغاني=جيت اكتبلك لو مانصفتك التعابير
ماهو بـانا من يعذر اللي جفاني=لكن معاك مقصر كثير وكثير
ادري تعاني في غيابي تعاني=وانك تموت من الوله حيل وتغير
احيان اقول ان المعاند حداني=عن جيتك .. واحيان عذر الجفا غير
لو مانسيتك كان قلبك نساني=اعرفك زين اليا ازعلتك المقادير
ان جيت اسافر عن هواك يعصاني=قلب تكبر مايطيق المشاوير
ماهي غريبة يغربن الاماني=وانت بغرورك تاخذ الشمس وتطير
بس الغريبه ليه صرت التهاني=بقلوب من ساقوا علي التباشير
حسادي اللي لو نسيتك ثواني=صاروا من الفرحة صفوف وشواعير
والملعبة تحلى لترف الغواني=حتى انت ماتسلم فدتك الغنادير
والله مادري وين قلبي خذاني=لكن تعال وخل عنك المعاذير[/poem]
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
شفت العجايب في زمان العجايب=و أجاهد العيشه و لـّو مابها عيش
راحت مصايب .. ثم لفتني مصآيب=صارت على ما قيل مثل المطاريش
أنا صغير السـّن و أصبحت شـآيب=من وقتي اللي شوّش الفكر تشويش
( انطح كتيبه .. ثم تجينـي كتآيـب )=معها : سيـوفً مرهفـاتً مبـآطيش
ووجه الفرح وينه ؟ ووين الحبايب=خلـّوني لـحالي علـى همـّي آآعيش
حتى بـ سمآآآيه كانت أبـّها سحايب=ثم روّحت تبخل عليّ بـ الرشاريش
وأرضي بها شوك و سراب و لهآيب =و الجـّو أمسـى ديـرةً للخفـآفيـش
لـكـنّ مـع هذآآآ و كثـر النشـآيب =لآ زلت حلاّل ( الأمور المبـاليـش )
أسوق رجلي لـ القمم دون نآآآيب=متوكلً بـ الله و عزمي مهو طيـش
و أنا عدوً لـ ( الجروح العطايب )=صابر ولوّ جرحي لفآني على جيش
و أنا الجبل مآ : حرّكته الهبـآيـب=و أنا مكآني فوق عند اشقر الريش
رغم الدهر و الحظ لوّ كان خايب=لـ أمشيك يا دربي وأهين الأكاديش[/poem]
تعليق واحد
شاعر متمكن ومتجدد وفي شعره واقع وتميز
اشكركم على حست الاختيار
الشاعر والاعلامي نايف الرشيدي مدرسة شعرية ومحبوب من الجميع
رائع يانايف فأنت نائف بشعرك وبخلقك …
رائع يانايف فأنت نائف بشعرك وبخلقك …