الا واهنيّ اللــــي عيونـــــــــه تهنّا النوم
وطيف السعــــاده مايفــــــــارق مخيّلته
وانا الحمدلله يانصيبــــي على المقسوم
وعزّي لمن مثلــــي همومــــه محاصرته
يادكتور انا في غبّة الهــــــم كم لي يوم
ولا الهم يفهمنــــي ولا اقــــــدر مجادلته
اعلان
تعدّى شهر والحظ ياسيـــــــدي محروم
وعيني على درب الفــــــرح مير ماطلته
وجودي وجود اللي من المحكمه مظلوم
وكل الدوايـــــــــر ماطلـــوا في معاملته
وحيد وهله زادوا عليــــه العتب واللوم
وفكره تشتّت بين سجنـــــــــــه وعايلته
يادكتور انا جيتك وانا حاضــــر وملزوم
ابي تخرج انفاسي من الهـــــــم ودايرته
وابي تعرف المجهـــــــول وتقدّر المعلوم
قبل لايفــــــــور الدم وتغلــــى مساومته
هذي حالتي واظـــــن قد وصلك المفهوم
تعب هاجسي من هــــم يصعب مقاومته
