الخطأ والكذب والهــرج الوضيع
لا.. ورب البيــت مانـــــــي قايله
احشم افعالي عن الفعل الشنيع
وأحسب حسـاب السنين المايله
واقف بوجه الزمن قرم وشجيع
نوب يحدانـــــي ونوب اتحايله
مؤمنٍ بالله والخاطـــــــر وسيع
رغم طعنات الظــــروف الصايله
اكظـــم الونّات والســـرّ الفضيع
هو سبب نزف الجـروح السايله
اعلان
لي ثمان سنيــن عن وبْل الربيع
مالمـــــع برقــــــه ولاح مخايله
وكل ما ناظرت للكـــــون البديع
حرّقت رمشــي شمــوس القايله
ضمّني صدر المساء ليلة صقيع
وأحزنت قلبــــي نجــــــومٍ آيله
لو بغيت اسنــد لهـــا مااستطيع
وإن لزمت الأرض صـارت زايله
هذي الدنيــــــا تشيّب بالرضيع
صحصحت منها العقول العايله
والذي ماهـوب لك طايع مُطيع
ماتطولــــه لو يدينـــــك طايله
كلمات /فهد آل عمر الزهراني
