يابو هني قامن يزيدن الاوجاع

قصيدة مهداة من الشاعر فليح سعود الرويضي للشيخ نايف بن هني بن عريجه قال فيها:

ياموتري روح لنايف بلاسراع
ابن هني بالواجبات مخبوري
بيته مشرع للطراقي تشراع
والضيف يبشر بالعشاء والفطوري
والنجر يجذب طرقي الليل لاضاع
والبيت من عز الرجال معموري
من روس قوم ن باللقا توفي الصاع
طيب ولا بعيال عمه قصوري
يابو هني قامن يزيدن الاوجاع
والجسم منهن قام دمه يفوري
وان قلت روحن ودي ارتاع بالقاع
يابو هني عين يطيعن شوري
قامن يحدني ونا فجوجي وساع
خلني افتح قفل باب التجوري
ثور غضبهم وقتن اليوم قطاع
وسوالفن قامت تمس الشعوري
وازريت لاعرف وش ورا الشبر والباع
مير السنه جابت خبرها الشهوري
وانته حكيم وعارفن كل الاوضاع
رجل ن طموحاتك تعوم البحوري
الاوله ذكر التكاتف لياشاع
يبي يونس ضايقين الصدوري
والثانيه لاصرت للشمل جماع
تلقاه لاصار اللزوم الضروري
والثالثه دار ن بها كان مرباع
ماتنسي من عقب هاك الزهوري
ترا الليالي سمنهن تو ماماع
واجمالهن قامت تلف وتدوري
وقلوبهن لو شفتهن تقل لماع
ترا العيون من الجهاتين عوري
وان شفت لك ناس ن يصفون الارباع
عنتر ترا ماذلله قرن ثوري
وان كان عيا يجمع الزرع زراع
خذ الحكم من ساكنين القبوري
والجن لو يرقص ويشر بلاصباع
من سورة سليمان صار محشوري
يامسندي لاصار بالضول فراع
سورك ياراع الطيبه عند سوري
واسلم عدد ماتضرب البدو الارياع
الله يفكك من جميع الشروري