ياقلب مازانت الدنيا ولا قرّت
ماجت على كيفك ولاجت على كيفي
دنياً تقلب وكم ضرّت وكم سرّت
ولاحيٍٍ ألاّ لقي منها صواديفي
ونفسي شعاها سراب الغي وانجرّت
في بحر غيه وغرتني مجاديفي
هذيك عدّت وذي صابت وذي مرّت
شي ٍ نشوفه وشي ٍ مابعد شيفي
واليا إلتوت مكرة الأيام وإفترّت
وهبت رياح الهبايب والعواصيفي
والقيض شبّك ضماه وشمسه احترّت
وقصرت يدينك عن التمر المناصيفي
والخيل ما عاد لا كرّت ولا فرّت
اللي من اول على الهيجا مصافيفي
وحلوات الألبان لا حنّت ولا درّت
يوم اصبحت ضمّرن حدب معاجيفي
وعيون الانذال لدّت فيك واحمرّت
وشفت القساوه من اقلوب المواليفي
فاجراس يوم القيامه دنّت وصرّت
هذي علاماتها واسمع تواصيفي
تشبه خرز مسبحه يوم إنها انثرّت
من هول مطلاعها شابت محاريفي
