محمد بن مدعث 

[COLOR=#0043FF]إعداد وإشراف : محسن الأشرف[/COLOR]

شاعرنا لهذا الاسبوع شاعر مبدع يمتلك موهبة شعرية باذخة – حقق نجومية وحضور مشرف في كل الامسيات والمناسبات وبدأ حضورة مطلب جماهيري .
عندما تشتاق لتذوق الشعر وجزالته تجده في صدارة نجوم الساحة .
اخترنا لكم من خلال زاوية شاعر الاسبوع مقتطفات من شعره املين ان ينال اسحسانكم ورضاكم .
شعارنا هو ( محمد بن مدعث )
الشاعر محمد بن مفلح بن مدعث

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

النقي بين و من يبطن الخبث معروف=و الخطا مهما كبر كلمتين و ندمحه
وانت ياللي فيك عينين لكن ما تشوف=البحر لو انك تشوف تبطي تسبحه
لا القرابه فيك تنفع ولا الطيب مخلوف=شجرتن لا هي تضلل ولا فيها بلحه
من ورى شرهتك ما هي بتلحقني حسوف=مير لا تبدي المشاريه وهي مسرحه
ادري ان العلم طول و انا اراوي و اشوف=كيف اسوي وانت بيدي مثل المسبحه
لو بغيت اكتبك كان اختصرت اربع حروف=وان نقص وان زاد واحد عشان المصلحه
لكن ان الشعر سامي و لا يشيل الضعوف=وصعبه اني تالي الوقت باسمك اجرحه
مير عل البارق اللي مراويحه قنوف=ينهمر فوق البلاد الوخيم و يمسحه
طابت النفس العليله وطيبت الشفوف=ما عليها من هل الروكعه و السوبحه
ما يزم الراس يا صاحبي غير الكتوف=وان خسرت النفس ما فيه شي تربحه
علمتنا عزة النفس كيف الصد خوف=في عيون اهل الدسايس وقوم الدوبحه
وعلمتنا طيبة القلب كيف ان الظروف=كل شي غامض في زمنا تفضحه
من سلك درب مع الناس بالشك محفوف=ينتبه والا لا يآمن شليله يطرحه
النوايا تقتفيها من العالم شعوف=والحقيقة بالظمير النقي متسلحه
صفعة من كف مخلص تقدمك الصفوف=وابتسامه نوب ترميك وسط المذبحه
لا تحسب ان الزمن لا فتر حيلك يروف=انتبه من ينتظر طيحتك لا تفرحه
وصاحب قبل ايتكلم ينطحك الحلوف=اعرف ان اكثر كلامه بكذبه يملحه
فلا تجيبك كلمة الخبل و تسل السيوف=ولا توديك النوايا تشوف المذبحه
قيد الافعال باللي قدم عينك تشوف=و لا تصرح في علومن مهي بمصرحه
البنادم لو تفلسف و سمي فيلسوف=الحقيقة ما هو بكل درس يشرحه
التجارب علمتنا بلا اقلام و حروف=لقمة تحيي بنادم ولقمة تذبحه
والنقي بين و من يبطن الخبث معروف=و الخطا مهما كبر كلمتين و ندمحه[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
من جفاني و هو يكبر بعيني غلاه=لين صرت اشتعل من لهفتي له لهب
كن ما الله خلق في الكون عندي سواه=وكن مالي وجود بغيبته يا عرب
من يرده و يلقى عند ربي جزاه=والله اني على لاماه دمعي نضب
علموه ان قلبي حصل اللي كفاه=من جفاه و قساه و من كلام و عتب
ان تكلم تشغلاه الملام و غشاه=وان سكت شب بضلوعه سوات الحطب
ضيقته تكتبه و الشعر حس وقراه=لين صار بحلوق الناس مثل الرطب
وانت باقي على هالوضع تبحث خفاه=ما تداركت دمعة عينه من التعب
يا قساتك و يا طيبه و شيمة وفاه=اشهد انك ظلمته دون حق و سبب
[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

البارحه جفني عن النوم جازي=شي طرا لي عن حلا النوم جزاه
شي تمكن بالضلوع العزازي=عزي لقلبي من تواليه عزاه
الجازي اللي غير كل الجوازي=الله على حرقه للاعصاب يجزاه
راع الجديل اللي ثقيل المرازي=وابو الرموش اللي من الموت مزاه
اركى على قلبي و انا عنه عازي=و وقفت له لكن بحبه تمهزاه
يوم انهزم و بموق الاعيان حازي=عرفت بأن الروح و القلب مغزاه
حاولت لكنه ذكي وانتهازي=واقفى بقلبي يم جديه و جوزاه
لعبت معه اشواط عمري وفازي=وانشهد اني رحت والقلب وازاه[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
من لا بنفسه لنفسه بالحياة احترام=يموت ما حصل الحشمة من الاخرين
هذا الكلام الصحيح اللي عليه الكلام=اللي تجله تصاريف القدر و السنين
و البارحه بين برزخ صحوتي و المنام=يممت مع سكة للحين مدري منين
طريق بدياته بالضبط نفس الختام=يا ثقل دمه و يا طوله على السايرين
لقيت فيه الاماني ما عليها لثام=و وجيهها من ظروف التعرية ما تلين
لدت وفي عينها كلمة وقلت السلام=واقفت وانا اسمع صدى صوتي بعمق الوتين
يا كبر شرهة هقاوينا و صغر المقام=في عين من تحسب انه باللوازم عوين
خارج اطار الحقيقة شيخ قوم و همام=والا على ارض الحقايق ما لك الله يبين
ما يذبح الرجل لا منه مشى للامام=الا الى صارت اول عثرته من خدين
حطيت بأول دروبي من حياتي مرام=وعدن من العمر مرحلتين ما شفت زين
اخذت فيهن من ام التجربة درس عام=لكن حفظته و طبقته على العالمين
من لا بنفسه لنفسه في الحياة احترام=يموت ما حصل الحشمة من الاخرين[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
عديت ميلادك و انا قلبي فتوق=يكفيك من شره و يعطيك خيره
عام بديته وانت ضايق و مخنوق=يالله عسا ما صار بأوله خيره
عديتلك من لوعة الولف و الشوق=و اهديت لك مني هدية اخيره
يا اغلا من صبي النظر داخل الموق=و اعذب من انفاس السحاب الغزيره
وارق من يطرب له القلب و يتوق=واحن من قلب العشير لعشيره
بنيت لك بيتن بالاعماق مرموق=تجتاح الذكرى و يكبت صريره
وافي ولا ساومت به داخل السوق=ولا ظنتي في يوم غيرك يديره
رحلت في دربك ولا انته بمحقوق=وكلن بهالدنيا يواجه مصيره
صحيح احبك حب ماهو بمسبوق=يورق بخفاقي و ينفح عبيره
وصحيح ما احسب الغلا سبة العوق=لين انبلج نور الوداع بنذيره
وصحيح مالكني من القلب للذوق=لكن ظروفي ي حياتي مريره
الله كتب فرقاك و الامر من فوق=وقلبن فداك اوله يفداك اخيره
عديت ميلادك و انا قلبي فتوق=يالله عسا مقبل لياليك خيره[/poem]