بشير الرشيدي 

[COLOR=#240BCA]اعداد وإشراف : محسن الأشرف[/COLOR]

ضيفنا هو المهندس الشاعر علي الحبابي شاعر رائع يمتلك الكلمة العذبة و الإحساس الجميل شاعر شاب وضع له بصمة خاصة
في عالم الشعر سواء في مجال النظم أو مجال القلطة . يعشق القوافي الصعبة و ذو
نهج مميز وواضح من خلال
نصوصه الشعرية .

الجرح العميق

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
عيوننا تمطر جمر و صدورنا شبت حريق = القلب طاويه الحزن و الجفن ذابحه السهر
سارت ركايبنا ولكن ما أستمرت فالطريق = أمالنا راحت هباء و الخافي الأعظم ظهر
الوضع مزري و الدمي تفور والخاطر يضيق =مما حصل ذاب الحجر بعيوننا القهر
أمجادنا فوق السحب و أفعالنا أثقل من طويق =واليوم ما أدري وش حصل قالوا صواديف الدهر
بأطلق عنان الفكر لين إنه على القمة يويق =يا ما تحريت الخبر مع طلة هلال الشهر
أبغى أفتح أقفاص الصدر حتى أترك فوادي طليق =أبغى أطلقه وأبغى أتركه يشهر مثل حر شهر
يندى جبين العز مما صار للمجد العريق = واللي خطب بنت العرب ما عاد حصل له مهر
وقت مضى سيف النصر صاطي وله فعل و بريق =واليوم عذرا يا أولي الألباب فعله ما أشتهر
طال الصبر مات الأمل ما أدري متى الغافل يفيق =كم واحد في هالزمن شاف العجايب وأنبهر
كم لوحت كف لغريق وما ما قدرت أنقذ غريق =والعين من كثر البكا جفت وصايبها جهر
بأدفن همومي في رمال الصمت صدري ما يطيق =وأداعب أنغام النسيم اللي على ضفة نهر
هذا الزمن ما عاد ينفع لا صديق ولا رفيق = من بعد ما طاح الجمل يا كثر طعنات الظهر
وقفت في صحراء الأمل والدمع من عيني يريق =أبغى أزرع بذور الأمل لعلي أقطفها زهر
عساني ألقا لي دواء وأداوي الجرح العميق = جرح بيبطي ما ألتئم بأسبابه القلب أنصهر
نصارع الواقع ولا نرضى بشي ما يليق = صراحة الرأي وحقيقة الأمر نعلنها جهر
[/poem]

درب الهوى
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

ياصاحبي درب الهوى عسـر بالحيل = لا تحسب إنـــــه يا وليــــفي هوين
ياما تعنـــــــــوا في دروبه رجاجيل = و الحــــب مهما أخفيت لازم يـبـين
وين أنت لا جـــــية و لا به مراسيل = وألا من أول كــــــــــان جانبك لين
يازين كلك زيـــــن من دون تجميل = والله ما أنت بحــــــــاجة انك تزين
صحيح درب الحــــــب هم وغرابيل = وعلاج مجروح الهــــــــوى ما يعين
لا بارك الله في هــــل القال والقيل =اللي لتـفـريق الـــــــــــولايف تحين
أخفي غـلاك من الحـــسد والمهابيل =أخفيه غـــير الشوق فــــاضح و بين
خلك معـي يا أبو رمــــوش مظاليل =واسمع كـــــــلام اللي دعاك و تبين
لو شافك اللــــي يعتـكف تالي الليل =يمكن يجـــــر الصــوت لو كان دين
درب المشـــــــقة و العنا و البهاذيل =هذا هــــــــو اللـــي في غيابك نعين
لايمكن أخون العــهد وأبخس الكيل= طبعي كذا وأمــوت ما أرضى بهين[/poem]

” يا زماني ”
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

يازماني كل شي فيك وصل لحده = هات ماعندك وسولف واستمع ماعندي
والله اني صابر منك وقد لي مده = وإن بدالي ماقف غصاب يقدح زند
كل شي مختلف وإن جاء الصحيح أعده = انتبه للعلم والمضمون وافهم بندي
كن قلبي يعترض سيف رهيف حده = وكن في وسط الضماير مثل نار الكندي
وضعنا مكشوف ولاعاد فينا شده = وضابط الميدان ماينفع بليا جندي
العرب كل يقول العلم أنا اللي قده = ماعرفنا من هو الفندي من المتفندي
والصحيح إن جاء الصحيح أوضاعهم منهده = همهم رز البخاري والدجاج المندي
والبحرالأحمر ترى جزره شكى من مده = والمحيط الأطلسي وصل المحيط الهندي
ياوسيع العرف صدرك لاتبيح سده = انتبه واسمع كلام واقعي يا فندي
الحقيقه واضحة مافيه عنها صدة = وقول راع العرف في الماقف يجيكم شندي
المحازم كلها ما عاد فيها عدة = والمواطن فالبلد يضحك عليه الهندي
يالله ان تستر علينا من كوارث جده =ومن حليب وردوه ومصدره هولندي
ما علينا من خصيم هجمته مرتده =في بلاد الهند وألا في بلاد السندي
الردي بألعن ثواه وبأكعمه وأضده = والله إني ما علي منه وأنا أبوهندي
الحبابي يفتخر في طيب أبوه وجده = وارث طيبه من أجداده وكف يندي[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

‏يا كــبر حلــــم حلمته ليـــلة البــــارحة = حلمت حــــلم الفقير اللي حلم بالغناة
وصحيت والنفس من حلم السعد فارحة = يا ليت من حلـــــم في نومه يحقق مناه
احلامنــــا ضــــــــاوية و امــــالنا سارحة = و عزومنا القـاسية تــــازن جبال السراة
أسامر النجم وآراعيه و آمارحه = و ما كل نجم يسامرني جذبني سناه
يا الادمي جاك نص العلـــم من شارحه = احفظ مســــار الحقيقة و احفظ اتجاه
إبليس ملعــــون يا ويله عـــلى طارحه = يضحك على الادمــــي و يخادعه فالصلاة
أعامــل الشخــــص بالإخلاص واصارحه = ويصير بيني وبينه للتــــــــواصل طراة
ياما و ياما طمرت الكــلمة الجارحة = الاخرة عندي أعظم مــــن متاع الحياة[/poem]